వాషింగ్టన్: కాంగ్రెస్ అగ్రనేత రాహుల్ గాంధీ సభ్యత్వంపై అనర్హత వేటు పడడంతో దేశ రాజకీయాలు ఒక్కసారిగా వేడెక్కాయి. ఈపై పరిణామాలు భారత అమెరికన్‌ కాంగ్రెస్ సభ్యుడు రో ఖన్నా (రో ఖన్నా) స్పందించారు. ట్విటర్ వేదికగా ఈ అనర్హత వేటును ఖండించారు.
‘రాహుల్ గాంధీ పార్లమెంట్‌పై సభ్యత్వం వేటు వేయడం.. గాంధీ సిద్ధాంతాలకు, భారత దేశ విలువలకు తీవ్ర ద్రోహం చేయడమే అవుతుంది. మా తాతయ్య ఏళ్ల తరబడి జైలు జీవితం గడిపింది దీని కోసం కాదు. భారత ప్రజాస్వామ్యం కోసం ఈ నిర్ణయాన్ని వెనక్కి తీసుకునే అధికారం మీకు ఉంది’ అని ప్రధాని నరేంద్రమోదీని ట్యాగ్ చేశారు. రాహుల్ అనర్హత గురించి న్యూయార్క్ టైమ్స్‌లో వచ్చిన కథనాన్ని షేర్ చేస్తూ ఈ వ్యాఖ్యలు చేశారు.
రో ఖన్నా తాత అమర్‌నాథ్‌ విద్యాలంకార్‌.. భారత స్వాతంత్య్ర పోరాటంలో పాలుపంచుకున్నారు. స్వాతంత్ర్య సమరంలో ప్రముఖ పాత్ర పోషించిన లాలా లజపతి రాయ్‌తో కలిసి పనిచేశారు. ఈ కొన్నేళ్లపాటు జైలు జీవితం గడిపారు.
