విజయవాడ: ఆంధ్రప్రదేశ్ బడ్జెట్ సమావేశాలు వచ్చే నెలలో జరగనున్నాయి. మొదటి వారంలో సమావేశాలు ఉండవచ్చు. అయితే ఈ సమావేశాల్లో మూడు రాజధానుల బిల్లులను ప్రవేశపెట్టనున్నారన్నది సమాచారం. ఇప్పటికే నాలుగేళ్లు గడిచిపోయింది. మూడు రాజధానుల బిల్లులు గతంలో సభలో ప్రవేశపెట్టిన ప్రభుత్వం తిరిగి వెనక్కు తీసుకున్న సంగతి తెలిసిందే. ఈ నేపథ్యంలో న్యాయపరమైన చిక్కులు రాకుండా సభలో తిరిగి ప్రవేశపెట్టేందుకు ప్రభుత్వం సిద్ధమవుతున్నాయి. ఈ మేరకు న్యాయశాఖ కసరత్తులు చేస్తుందని చెబుతున్నారు. విశాఖలో పరిపాలన రాజధాని, అమరావతిలో శాసన రాజధాని, కర్నూలులో న్యాయ రాజధాని ఏర్పాటు మూడున్నరేళ్ల క్రితం ముఖ్యమంత్రి జగన్ శాసనసభలో ప్రకటించారు. అయితే న్యాయపరమైన చిక్కులు కారణంగా ఇంతవరకూ కార్యరూపం దాల్చలేదు. మరోవైపు అమరావతి రైతులు ఏకైక రాజధానిగా ఉంచాలంటూ ఆందోళనను కొనసాగిస్తూనే ఉన్నారు. హైకోర్టు కూడా అమరావతి రైతులకు, ప్రభుత్వానికి మధ్య కుదిరిన ఒప్పందాన్ని అమలు చేసింది.
ఈ నేపథ్యంలో మరోసారి మూడు రాజధానుల బిల్లులను ప్రభుత్వం ప్రవేశపెట్టేందుకు సిద్ధమవుతుండటం చర్చకు దారి తీస్తుంది. ఆంధ్రప్రదేశ్‌లో ఎన్నికలకు ఇంకా ఏడాదిన్నర మాత్రమే సమయం ఉంది. ఎన్నికలు దగ్గరపడే లోపు మూడు రాజధానుల విషయంలో వేగవంతమైన స్టెప్ తీసుకోవాలన్నది ప్రభుత్వ ఉద్దేశ్యంగా కనపడుతుంది. మూడు రాజధానుల బిల్లులను వెనక్కు తీసుకునేటప్పుడు జగన్ శాసనసభ సాక్షిగా చూశారు. బలమైన, ఎలాంటి ఇబ్బందులు లేకుండా తిరిగి బిల్లులను తెస్తామని చెప్పిన పార్టీ నేతలు గుర్తు చేస్తున్నారు. మూడు ప్రాంతాలను అభివృద్ధి చేయడమే తమ ప్రభుత్వ విధానమంటూ ప్రజల్లోకి వెళ్లాలంటే ముందడుగు వేయకతప్పదని వైసీపీ నేతలు చెబుతున్నారు. అందుకోసమే ఏప్రిల్‌ నాటికి ముఖ్యమంత్రి విశాఖ నుంచి పరిపాలన ప్రారంభిస్తారని కూడా మంత్రులు బహిరంగంగానే ఉన్నారు. విశాఖలో ముఖ్యమంత్రి కార్యాలయ ఏర్పాట్లు కూడా చురుగ్గా సాగుతున్నాయని చెబుతున్నారు.
ఈ మూడు రాజధానుల బిల్లులను ఏ రూపంలో సభ ముందుకు తీసుకువస్తున్నది ఆసక్తికరంగా మారింది. ఇటీవల ప్రధాని మోదీని కలిసినప్పుడు కూడా ముఖ్యమంత్రి జగన్ ఈ సందర్భంగా ఉన్నట్లు పార్టీ వర్గాలు చెబుతున్నాయి. శాసనసభలో చట్టం చేయడం ద్వారా మరోసారి న్యాయస్థానం ఎదుటకు సమస్య వచ్చినా ఇబ్బందులు ఎదురుకాకుండా, న్యాయపరమైన చిక్కులు రాకుండా అన్ని చర్యలు తీసుకుంటున్నట్లు చెబుతున్నారు. న్యాయ నిపుణులతో సంప్రదించిన తర్వాతనే బిల్లులు ప్రభుత్వం ముందుకు తెస్తుందని అంటున్నారు. వచ్చే నెలలో జరగనున్న బడ్జెట్ సమావేశాలు దాదాపు ఇరవై రోజులకు పైగానే జరుగుతాయి. ఈ సమావేశాలలోనే మూడు రాజధానుల బిల్లులు తిరిగి ప్రవేశ పెడతారని వర్గాల ద్వారా అందుతున్న వాటిని బట్టి చూపిస్తుంది.
ఆర్.ఆర్.ఆర్.ఆర్.ఆర్.ఆర్.ఆర్.ఆర్.ఆర్.
