ముద్ర ప్రతినిధి, జగిత్యాల: జగిత్యాల పట్టణంలోని స్థానిక ప్రభుత్వ మహిళా డిగ్రీ కళాశాలలో వృక్షశాస్త్ర విభాగం, కంప్యూటర్ అప్లికేషన్స్ విభాగంలో జిజ్ఞాస స్టూడెంట్ స్టడీ ప్రాజెక్ట్‌లలో రాష్ట్రస్థాయికి ఎంపికైన విద్యార్థులను కళాశాల ప్రిన్సిపల్ డా. వై సత్యనారాయణ అభినందించారు. వృక్ష శాస్త్ర విభాగంలో రాష్ట్రస్థాయిలో జిజ్ఞాస స్టడీ ప్రాజెక్ట్ ఎంపిక కావడంలో సూపర్‌వైజర్ గా పని చేసిన డాక్టర్ పడాల తిరుపతి, అప్లికేషన్స్ డిప్యూటీ శ్రీమతి బి సంగీత, స్టూడెంట్ స్టడీ ప్రాజెక్ట్ కోఆర్డినేటర్ రసాయన శాస్త్ర విభాగాధిపతి శ్రీమతి జి మానస ను ఈ సందర్భంగా అభినందించారు.
విద్యార్థి దశ నుండి విద్యార్థులలో పరిశోధన, అభిరుచిని పెంపొందించే దిశగా ప్రోత్సహించాలని, అన్ని విభాగాల్లోని విద్యార్థులను ఇదేవిధంగా ప్రోత్సహించాలని, భారతదేశం యొక్క అభివృద్ధి పరిశోధన, అభివృద్ధి పై ఆధారపడి ఉంటుందని కళాశాల ప్రిన్సిపల్ పేర్కొన్నారు. ఈ కార్యక్రమంలో వైస్ ప్రిన్సిపల్ డా. మసురు సుల్తానా, అకాడమిక్ కోఆర్డినేటర్ అసోసియేట్ ప్రొఫెసర్ డాక్టర్ ఏ జ్యోతిలక్ష్మి, కల్చరల్ కోఆర్డినేటర్ జంతుశాస్త్ర ఆచార్యులు డాక్టర్ కే కిరణ్ మై, కంప్యూటర్ సైన్స్ అండ్ అప్లికేషన్స్ ఇంచార్జ్, గణిత శాస్త్ర విభాగాధిపతి శ్రీమతి తాటి స్వరూప రాణి, ఐక్యు ఏసీ కోఆర్డినేటర్ డాక్టర్ జిగ్గా వృక్ష వృక్షం కోఆర్డినేటర్ డాక్టర్ అంబాల శంకరయ్య, కామర్స్ విభాగాధిపతి మల్లారం శ్రీనివాస్ రెడ్డి, స్టాఫ్ క్లబ్ సెక్రటరీ డాక్టర్ మామిడిపల్లి సత్య ప్రకాష్ ఉన్నారు.
