18
ప్రముఖ నిర్మాత సూర్యదేవర రాధాకృష్ణ (చినబాబు) ఇంట విషాదం చోటు చేసుకుంది. ఆయన తల్లి సూర్యదేవర నాగేంద్రమ్మ (90) గురువారం 3 గంటల ప్రాంతంలో హృదయ సంబంధిత వ్యాధితో కన్నుమూశారు. ఆవిడకు ఇద్దరు కుమారులు, ఇద్దరు కుమార్తెలు. నిర్మాత చినబాబు ఆవిడకు రెండవ తనయుడు. అలాగే యువ నిర్మాత సూర్యదేవర నాగ వంశీకి నాగేంద్రమ్మ నాయనమ్మ అవుతారు. చినబాబు సోదరుడి కుమారుడే నాగ వంశీ. రేపు ఉదయం 10 గంటల ప్రాంతంలో ఫిల్మ్ నగర్ లో అంత్యక్రియలు జరుగుతాయని కుటుంబ సభ్యులు తెలిపారు.
