‘మిర్చి’ వంటి సూపర్ హిట్ తో పరిచయమైన కొరటాల శివ (కొరటాల శివ).. ఆ తర్వాత ‘శ్రీమంతుడు’, ‘జనతా గ్యారేజ్’, ‘భరత్ అనే నేను’ వంటి వరుస విజయాలతో సక్సెస్ ఫుల్ డైరెక్టర్ గా పేరు తెచ్చుకున్నాడు. అయితే ఆయన దర్శకత్వంలో ఐదో సినిమాగా వచ్చిన ‘ఆచార్య’ మాత్రం దారుణంగా నిరాశపరిచింది. ప్రస్తుతం కొరటాల డైరెక్ట్ చేస్తున్న ‘దేవర’ (దేవర)పై అందరి దృష్టి ఉంది. ఈ సినిమాతో ఎలాగైనా అదిరిపోయే కమ్ బ్యాక్ అందుబాటులో ఉన్నా ఆయన చూస్తున్నాడు. అయితే ‘దేవర’ విషయంలో ఆయనను ఒక నెగటివ్ సెంటిమెంట్ వెంటాడుతోంది.
కొరటాల శివ దర్శకత్వంలో వచ్చిన మొదటి నాలుగు సినిమాలకు దేవిశ్రీ ప్రసాద్ సంగీతం అందించాడు. ఆ నాలుగు సినిమాల ఆడియోలు పెద్ద హిట్ అవ్వడమే కాకుండా.. సినిమాలు కూడా మంచి విజయం సాధించాయి. అయితే ఐదో సినిమా ఆచార్యకు మాత్రం మణిశర్మ సంగీతం అందించారు. ఆడియో ఓకే అనిపించుకున్నప్పటికీ, సినిమా మాత్రం డిజాస్టర్ అయింది. ఇక ఇప్పుడు దేవరకు అనిరుధ్ సంగీతం అందించాడు.
దేవర నుంచి ఇప్పటికే రెండు పాటలు విడుదలయ్యాయి. పాటలకు మంచి రెస్పాన్స్ వస్తున్నప్పటికీ.. జూనియర్ ఎన్టీఆర్-అనిరుధ్ కాంబినేషన్ లో వస్తున్న మొదటి సినిమా రేంజ్ లో లేవనే అభిప్రాయాలు వ్యక్తమవుతున్నాయి. ముఖ్యంగా సెకండ్ సింగిల్ “చుట్టమల్లె” సాంగ్ పై కాపీ ఆరోపణలు వస్తున్నాయి. దీనితో కొందరు అభిమానులు దేవిశ్రీ పేరుని తెరపైకి తీసుకొస్తున్నారు. కొరటాల సినిమాలకు దేవి సెంటిమెంట్. పైగా ‘పుష్ప’తో పాన్ ఇండియా వైడ్ గా ఒక ఊపు ఊపాడు. పుష్ప విజయంలో కీలక పాత్ర పోషించాడు. అందుకే, దేవి అయితే అదిరిపోయే సాంగ్స్ తో దేవరపై అంచనాలను మరో స్థాయికి తీసుకెళ్లేవాడనే కామెంట్స్ వినిపిస్తున్నాయి. అదే సమయంలో ఈ కామెంట్స్ ని తప్పుబడుతున్నవారు కూడా ఉన్నారు. ఫియర్ సాంగ్, చుట్టమల్లె సాంగ్స్ బాగున్నాయని.. అనసరంగా నెగటివ్ కామెంట్స్ అనిరుధ్ ని వెనకేసుకొస్తున్నారు. అంతేకాదు మిగతా సాంగ్స్ కూడా విడుదలయ్యాక అప్పుడు అని చెబుతున్నారు. ఏది ఏమైనా దేవర సినిమా హిట్ అయితే.. అటు ఆచార్య చేదు అనుభవం నుంచి, ఇటు దేవిశ్రీ సెంటిమెంట్ నుంచి ఒకేసారి కొరటాల బయటపడతాడు.
