గడిచిన సార్వత్రిక ఎన్నికల్లో అనూహ్య రీతిలో దారుణ పరాభవాన్ని మూటగట్టుకున్న వైయస్ జగన్మోహన్ రెడ్డి.. వచ్చే ఎన్నికల నాటికి పార్టీని సన్నద్ధం చేసే దిశగా అడుగులు వేస్తున్నారు. ఈ విధంగానే ఆయన పార్టీ క్యాడర్ తో మమేకమయ్యేందుకు సిద్ధమవుతున్నారు. సార్వత్రిక ఎన్నికల్లో పరాభవం తర్వాత ఇప్పటికే నియోజకవర్గ ఇన్ చార్జిలు, ముఖ్య నాయకులు, పార్టీకి చెందిన ఎమ్మెల్యేలు, ఎమ్మెల్సీలు, ఎంపీలతో సమావేశమయ్యారు. జిల్లాల వారీగా సమీక్షా సమావేశాలను నిర్వహించారు. అయితే క్షేత్రస్థాయిలో పనిచేసే కేడర్‌కు మరింత ధైర్యాన్ని బట్టి ఆయన జిల్లా పర్యటనలకు సిద్ధమవుతున్నారు. వైసీపీ అధినేత జగన్ జిల్లాల టూర్ కి రంగం సిద్ధం అవుతోంది. సంక్రాంతి పండుగ ముందు ఆయన లండన్ బయలుదేరి వెళ్ళారు. అక్కడ ఆయన తన చిన్న కుమార్తె డిగ్రీ పట్టా ప్రదానోత్సవ కార్యక్రమంలో ఉన్నారు. కొన్ని రోజులపాటు కుటుంబంతో ఉల్లాసంగా గడిపి ఈ నెలాఖరుకు ఏపీకి జగన్ తిరిగి వస్తున్నారు. జగన్ గతంలో చెప్పినట్లుగానే ఫిబ్రవరి తొలి వారం నుంచి జిల్లాల పర్యటనలు చేపడతారని పార్టీలు తెలిపాయి. జగన్ ప్రతీ బుధవారం జిల్లా పర్యటనలు పెట్టుకుంటారు. శుక్రవారం వరకూ ఆయన మూడు రోజులపాటు పర్యటనలు జరిపే ఆయా జిల్లాల్లోనే బస చేస్తారు. ప్రతీ ఏర్పాటు ఏడు అసెంబ్లీ నియోజకవర్గాల పరిధిలోని కార్యకర్తలు, నాయకులతో అవుతారు. అనంతరం వారి నుంచి పార్టీ పటిష్టానికి సంబంధించి అవసరమైన సలహాలు, సూచనలు తీసుకోనున్నారు. క్షేత్ర స్థాయిలో పార్టీ ఎలా ఉందన్న విషయాలను జగన్ ఈ సందర్భంగా వాకబు చేస్తారని అంటున్నారు. ఈ పర్యటనల ముఖ్య ఉద్దేశ్యం పార్టీని పునరుత్తేజితం చేయడమేనని పార్టీ వర్గాలు చెబుతున్నాయి. జగన్ పర్యటనలు జనాల కంటే ఎక్కువగా పార్టీ కేడర్ ను ఉద్దేశించి సాగాలని అంటున్నారు.
మరో వైపు చూస్తే వైసీపీ నుంచి ఎంతో మంది నేతలు ఇటీవల కాలంలో బయటకు వెళ్తున్నారు. ఇతర పార్టీల్లోకి వెళ్లిన నాయకుల స్ధానంలో కొత్త ఛాన్స్‌లు కనిపిస్తున్నాయి. యువతకు ప్రాధాన్యత పార్టీ అధినేత లక్ష్యంగా పెట్టుకున్నట్లు. పార్టీలో పని చేయని వారి విషయంలోనూ ఒకసారి చెప్పి చూసి సీరియస్గా రియాక్ట్ కావాలని అధినాయకత్వం భావిస్తోందని సమాచారం. ఈ పర్యటనల సందర్భంగా నిర్వహిస్తున్న నాయకులు, పనిచేయకుండా పక్క చూపు చూస్తున్న నాయకుల జాబితాను అధిష్టానం సిద్ధం చేసే అవకాశం ఉంది. ఈ సమావేశాల్లో భాగంగా పార్టీ క్యాడర్‌కు తాను ఉన్నానన్న భరోసాను ఆయన కల్పించనున్నారు. నాయకులు జనం నుంచి తయారవుతున్నారని, పార్టీ పట్ల జనంలో ఆదరణ ఉంటే మళ్లీ కొత్త నాయకత్వంతో దూసుకుపోతున్న ఆలోచనతోనే పార్టీ పెద్దలు ఉన్నారని అంటున్నారు. ఇదిలా ఉంటే జగన్ జిల్లాల పర్యటనలు మొత్తం 26 కొత్త జిల్లాలు కేంద్రంగా సాగుతుందని అంటున్నారు.
ఉత్తరాంధ్ర సెంటిమెంట్ కు ప్రాధాన్యత..
ఇక జగన్ ఈసారి ఉత్తరాంధ్ర సెంటిమెంట్ ని ఫాలో అవుతారని అంటున్నారు. దాంతోపాటుగా పార్టీ 2024 ఎన్నికల్లో బాగా నష్టపోయింది కాబట్టి ఉత్తరాంధ్ర నుంచి రంగం సిద్ధం చేసుకుంటేనే గాడిలో పడుతుందన్న భావనలో జగన్ ఉన్నారని ఆ పార్టీ వర్గాలు చెబుతున్నాయి. ఉత్తరాంధ్రలోని శ్రీకాకుళం నుంచి జగన్ పర్యటనలు ఉంటాయని జిల్లా చెబుతున్నారు. తొందరలోనే యాక్షన్ ప్లాన్ తో సహా అన్నీ ప్రకటించేందుకు వైసీపీ అధినాయకత్వం సిద్ధమవుతోంది. ఉత్తరాంధ్రలో ఇపుడు కూటమి హవా ఉంది. దాంతోపాటు వైసీపీకి కేవలం రెండు అసెంబ్లీ సీట్లు మాత్రమే దక్కాయి. ఫ్యాన్ పార్టీ రిపేర్లు ఇక్కడ నుంచే మొదలుపెట్టాలని అధినేత భావించారని అంటున్నారు. చూడాలి మరి జగన్ పర్యటన ఉత్తరాంధ్రలో ఆ పార్టీకి ఏ విధంగా హుషార్ తెప్పిస్తుందో.
కాంగ్రెస్‌లోకి జంప్ అయ్యాక ప్రజల నుంచి తిట్లే తిట్లు.. రాజీనామా యోచనలో మాజీ సభాపతి
ఆరోగ్యంగా ఉండాలంటే ఏ ఆహారాలు తినాలంటే..
