కన్నడలో సంచలన విజయం సాధించిన “తారకాసుర” చిత్రం అదే పేరుతో తెలుగు ప్రేక్షకులను అలరించేందుకు సిద్ధమవుతోంది. శ్రీజ మూవీస్ పతాకంపై “విజయ్ భాస్కర్ రెడ్డి పాళ్యం” ఈ తెలుగులో అందించారు. రవికిరణ్ – మాన్విత హరీష్ జంటగా నటించిన ఈ చిత్రంలో ప్రముఖ హాలీవుడ్ నటుడు డేని సపని ముఖ్యపాత్ర పోషించడం విశేషం. “పద్మశ్రీ” ఫేమ్ చక్రవర్తి, తృప్తి శుక్లా సెకండ్ హీరోహీరోయిన్లుగా… శాంసన్ యోహాన్ విలన్ గా నటించిన ఈ చిత్రం చంద్రశేఖర్ బండియప్ప దర్సకత్వం వహించారు!!ఈ చిత్రం త్వరలో తెలుగులో రానున్న సందర్భాన్ని పురస్కరించుకుని ఫిల్మ్ నగర్ కరల్ సెంటర్లో ఏర్పాటు చేసిన మీడియా సమావేశంలో నిర్మాత విజయ్ భాస్కర్ రెడ్డి, విలన్ పాత్రధారి యోహాన్, సెకండ్ హీరోయిన్ తృప్తి శుక్ల, సెకండ్ హీరో పద్మశ్రీ ఫేమ్ చక్రవర్తి పాల్గొనగా… ప్రముఖ దర్శకులు నగేష్ నారదాసి, ప్రముఖ నిర్మాతలు తుమ్మలపల్లి రామసత్యనారాయణ, సాయివెంకట్, పద్మిని నాగులపల్లి ముఖ్య అతిధులుగా హాజరై… కన్నడలో విజయం సాధించిన “తారకాసుర” చిత్రం తెలుగులో సంచలనం సృష్టించాలని అభిలషించారు.